نەورۆزی یەکماڵ لە برێمەن لەگەڵ خێزانەکان بوو

ڕۆژی ١٨ی ئاداری ٢٠٢٦ لقی ڕێکخراوی یەکماڵ لە برێمەن لەگەڵ منداڵانی کۆرسی موزیک و خێزانەکانیان، ئاهەنگی جەژنی نەورۆزی ساز کرد. ئاهەنگەکە کەشێکی زیندوو وهاوبەشی دروستکرد تا پێکەوە سەری ساڵی کوردی، دەستپێکی بەهار و نەورۆز بەسەرببەین.

یەکێک لە تایبەتمەندییەکان بەرنامەی موزیک بوو. مامۆستایانی موزیک کەنان بیلیجی و یەکبوون سنجار کۆنسێرتێکی کورتیان پێشکەش کرد کە تێیدا منداڵانیش چالاکانە بەشدارییان کرد. ئەوان سازیان ژەند، گۆرانییان گوت، هەڵپەڕکێیان کرد و بەشادمانییەوە ئەوەی لە کۆرسەکان فێری بوون، پێشکەشیان کرد.

هاوکات چالاکیی ئافرێنەرانەی جۆراوجۆر بۆ منداڵان ڕێکخرابوون، لەنێویاندا هونەرەکانی شێوەکاری و بۆیەکردنی ڕووی منداڵان. چالاکییەکان پێشوازییەکی باشیان لێکرا و کەشێکی خۆش و کراوەیان بۆ هەموان دروست کرد.

باوک و دایکانیش چالاکانە بەشدارییان کرد. لەو خواردنانەی لەگەڵ خۆیان هێنابوونیان، بوفێیەکی ڕەنگین و خۆشیان دامەزراند و خواردنەکانیان لەگەڵ یەکتر بەش کرد.

سوپرایزێکی تایبەتیش بۆ منداڵان مەدالیای تەمبوور بوو کە بەدەست لە لایەن باوکان و دایکان و خۆبەخشانەوە دروستکرابوون و وەک دیاری پێشکەشی منداڵان کران. ئەمەش منداڵەکانی دڵخۆشتر کرد.

ئاهەنگی نەورۆز لە QBZ Morgenland بەڕێوەچوو کە ژینگەیەکی خۆش و گونجاو بوو بۆ چالاکییەکەمان. لە سایەی پشتگیریی Klischeefrei، زەرفی بچووکی نەورۆزمان ئامادە کردن و پێشکەشی منداڵانمان کردن.

بەگشتی ئاهەنگەکەمان بەبۆنەی جەژنی نەورۆز سەرکەوتوانە بەڕێوەچوو.