پێشوازیی نەورۆز لە بەرلین وەها بوو!

ئەم ساڵ ڕێکخراوی یەکماڵ جەژنی نەورۆزی وەک دەرفەتێک بینی بۆ چالاکییەک لە دژی نەژادپەرستی. ڕۆژی ٢١ی ئادار بە هاوکاری لەگەڵ ئەنجومەنی کۆچبەری لە بەرلین و سەنتەری ئەڵمانی بۆ تۆژینەوەی ئینتیگراسیۆن و کۆچبەری (DeZIM) بەرنامەی پێشوازیی نەورۆزمان ساز کرد. بەم شێوەیە دەرفەت بۆ ئاڵوگۆڕ، گفتوگۆ و دیداری فەرهەنگی ڕەخسا.

بەرنامەی پیرۆزبایی جەژنی نەورۆز و پانێلەکانی پێشوازییەکی گەرمیان لێ کرا. تیایدا چەندین میوان ئامادە بوون و چالاکییەکی سەرکەوتوو بوو. گوتەی بەخێرهاتن لە لایەن بەڕێوەبەری گشتیی یەکماڵ گونای داریجی و هاوسەرۆکی ئەنجومەنی کۆچبەری لە بەرلین کۆرای یڵماز-گونەی پێشکەش کرا.

لە بەشی یەکەمدا پانێلێک بە سەرناوی "ڕوانگە و گفتوگۆی نێوان جڤاکەکان سەبارەت بە مامەڵەکردن لەگەڵ فۆرمەکانی نەژادپەرستی" بەڕێوەچوو. پانێلیستەکان کە ئەم بەڕێزانە بوون، ئەزموونە کەسییەکانی خۆیان باس کرد:

• سەرایا گۆمیس – پەروەردەکار، بەرپرسی سیاسی و چالاکی دژەهەڵاواردن
• ئایریس ڕاجانایاگام – پسپۆڕی مێژوو بە تیشکخستنە سەر تیۆرییەکانی دیکۆلۆنیالیزم و پۆست کۆلۆنیالیزم هەروەها ئینتەرسێکشناڵ
• پرۆفیسۆر د. کەنان ئەنگین– پسپۆڕی زانستە سیاسییەکان، نووسەر و مامۆستای زانکۆ
• جۆرجی ئیڤانۆڤ – پەروەردەکار، ئەندامی فەخریی دەستەی ڕێبەرایەتی، هەروەها بەڕێوەبەری خاڵی پێوەندی و ڕاوێژکاری لە ڕێکخراوی ئامارۆ فۆرۆ
• مەری ئەرگون – بەڕێوەبەری سەنتەری فرەڕەنگیی ئینتەرسێکشناڵ لە یەکماڵ
• پێشکەشکار: ئێد گریڤ - کارمەندی پەروەردە لە ئەنجومەنی کۆچبەری لە بەرلین

پانێلی دووەمیش لەسەر بابەتی "نەژادپەرستی دژەکورد لە ئەڵمانیا" بوو. ئەم پسپۆڕانە پانێلیست بوون:

• پرۆفیسۆر د. چنور قادری – پرۆفیسۆر لە بواری کاری جڤاکی، مامۆستای دەروونناسی لە زانکۆی ئێفانگێلیشە هۆخشوولە
• د. ڕۆزا بوورج – جڤاکناسی سیاسی و توێژەری هەڵاواردنی نەتەوەیی و چاودێری نەژادپەرستی لە سەنتەری ئەڵمانی بۆ تۆژینەوەی ئینتیگراسیۆن و کۆچبەری
• د. سەیران بۆستانچی – توێژەرلە بواری پرسەکانی پەروەردە و نەژادپەرستی لە سەنتەری ئەڵمانی بۆ تۆژینەوەی ئینتیگراسیۆن و کۆچبەری

هەر سێ پانێلیستەکان لەم بەشەدا سەرنجیان خستە سەر ئەزموونی خۆیان و خێزانەکانیان. کەسانی ئەکادیمی چۆن گەیشتنە سەر بابەتی نەژادپەرستیی دژەکورد و ڕێگەی گەیشتنیان چۆن کرایەوە، سەرنجی ئامادەبوانی ڕاکێشا. زۆر کەس ئیلهامیان لەو پانێلە وەرگرت. دواتر کتێبێکی تازەی یەکماڵ ناسێندرا کە ئەویش سەرنج دەخاتە سەر نەژادپەرستیی دژەکورد و ژیانی کوردان لە ئەڵمانیا. کتێبەکە „Kurdisches Leben in Deutschland - Eine (un)-sichtbare Realität zwischen Rassismus, Marginalisierung und (Nicht)-Anerkennung“ بە زمانی ئەڵمانییە و لە نووسینی دەستەیەک لە کەسانی ئەکادیمی پێکهاتووە. بڕیارە کتێبەکە لە هاوینی ٢٠٢٥دا لە لایەن وەشانخانەی بێلتس Beltz-Verlag بڵاو بکرێتەوە.

دواهەمین بەشی بەرنامەکە بۆ ئاهەنگی جەژنی نەورۆز تەرخان کرابوو. سەرەتا هاوسەرۆکی یەکماڵ شوکران پاموکچی گوتەی بەخێرهێنانی پێشکەش کرد و پیرۆزبایی جەژنی نەورۆزی کرد. دواتر کورتەڤیدیۆیەک لەبارەی جەژنی نەورۆز پێشکەش کرا کە لە لایەن یەکماڵەوە ئامادە کرابوو. کاتژمێر ١٩ بووفێ کرایەوە کە چەندین خواردن و خواردنەوەی خۆشی لەخۆ گرتبوو. پاشانیش گرووپی موزیکی بابلیکس بە پێشکەشکردنی موزیک و گۆرانیی کوردی ئاهەنگەکەی بەجۆش کرد.